أدوية الكحة | ايه أنواعها 🗣

النهارده عايزين نتكلم عن الفرق بين أكتر نوعين مضاد حيوي هتلاقيهم بيطلعوا كتير أوى ألا و هما ال ceftriaxone و ال cefotaxime 💉

مبدأيا كده لازم نكون عارفين إن الإتنين دول من عيلة ال third generation cephalosporins و ليهم ميزة حلوة جدا إنهم بيقدروا يعدوا ال BBB بالتالى يقدروا يعالجوا الإلتهاب السحائى ( meningitis )

طيب ايه الفرق بينهم بقى 🤔 ؟!

أولا من حيث المدة ( duration ) :-

- ال ceftriaxone بتقعد فى الجسم ٢٤ ساعة بالتالى جرعتها بتكون مرة واحدة يوميا

- ال cefotaxime بتقعد فى الجسم ١٢ ساعة بالتالى جرعتها بتكون مرتين فى اليوم

ثانيا من حيث خروجهم من الجسم ( elimination ) :-

- ال ceftriaxone بيخرج أكتر عن طريق الكبد و المرارة و الباقى بيخرج عن طريق الكلى بالتالى هتبقى كويسة فى حالة وجود عدوى بكتيرية فى الكبد أو المرارة

- ال cefotaxime بيخرج أكتر عن طريق الكلي بالتالي هيكون كويس فى حالة وجود عدوى أو إلتهابات بكتيرية فى المسالك البولية ( UTI )

ثالثا من حيث الخلط مع المحاليل :-

- ال ceftriaxone اوعى تخلطه مع محلول الرينجر ( ringer ) عشان بيكون فيه كالسيوم اللى هيمسك فى السفترياكسون و يكونلى ملح دوبانه ضعيف جدا و يروح يترسب فى الرئة و يعملى pulmonary embolism  أو يترسب فى الكلى و يعملى renal damage

- ال cefotaxime عادى تتخلط مافيش منها مشكلة

شوية حاجات كده عايزك تخلى بالك منها :-

- لو مريض  Renal impairment هتديله أنهى واحدة فيهم ؟!

أكيد بما إن الكلى فيها مشاكل فمش هينفع أديله ال cefotaxime عشان مش هتقدر تعمله elimination بالتالى يبقى هياخد ال ceftriaxone

- و أكيد هيبقى العكس لو مريض Hepatic impairment يعنى الكبد فيه مشاكل يبقى أكيد مش هيقدر يعمل elimination لل ceftriaxone بالتالى يبقى هياخد ال cefotaxime

- بلاش تدى حقن ال ceftriaxone لحد عنده الصفراء خاصة لو لسه مولود عشان ال ceftriaxone بتمسك فى ال albumin مكان ال bilirubin بالتالى نسبة ال bilirubin فى الدم تعلى و ممكن تعدى ال BBB و تسبب حاجة إسمها bilirubin encephalopathy (BE) أو kernicterus اللى بتكون على هيئة دوخة و سخونية و فقدان فى الطاقة و تشنجات فى العضلات 😵🤒💪

- حقن ال ceftriaxone زى cefotrix , epicephin , oframax , wintriaxone , rameceftrax , cefaxone

- حقن ال cefotaxime زى cefotax , cefaxim , claforan , rametax , ceforan