المسكن الأشهر على الإطلاق ⏪ الباراسيتامول 💊
طبعا الباراسيتامول احنا عارفين إنه مسكن (analgesic) و خافض للحرارة (antipyretic) و ده عن طريق إنه بيشتغل peripherally فيمنع وصول الإشارات العصبية لمكان الألم و كمان بيشتغل centrally فيقفل فى المخ تحديدا فى مكان إسمه hypothalamus إنزيم إسمه cycloxygenase 3 (COX3) بالتالى مش هتتكون ال prostaglandins E (PGE) المسئولة عن رفع درجة الحرارة 🤒 👌
طيب بعد ما بيعمل شغله بقى ايه اللى بيحصله 🤔 ؟!
المفروض إنه بيروح للكبد عشان يحصله metabolism عن طريق مرحلتين :-
• الأولى ⬅ إنه يحصله oxidation من خلال إنزيمات إسمها cytochrome p450 تحديدا ال CYP2E1 و يتحول لمادة إسمها N-acetyl-p-benzoquinoneimine بنختصرها فى كلمة NAPQI و المادة دى سامة عشان كده تلاقى المنقذ بتاعنا اللى إسمه glutathione (GSH) جه و مسك فيها يعنى عملها conjugation و حولها لمادة غير سامة عشان يقدر يخرجها للكلى و تنزل مع ال urine
• التانية ⬅ إنه يحصله conjugation علطول عن طريق إنه يمسك فى مجموعات زى ال sulphate و ال glucoronate عشان يسهل خروجه من الكلى علطول
🎤 ملحوظة صغيرة إن عملية ال oxidation دى إسمها phase I و هنا أنا بعمل كده عشان أخلى المركب اللى عندى يدوب فى الميه أكتر (more polar) إنما عملية ال conjugation دى إسمها phase II و هنا أنا بحط عليه مجموعات تانية عشان تاخده للكلى و تخرجه بره الجسم عن طريق ال urine
طيب يا ترى ايه الجرعة المسموح بيها و اللى مافيش منها ضرر 🤔 ؟!
عموما جرعة الباراسيتامول بتكون كل ٦ أو ٨ ساعات بس الأفضل كل ٨ ساعات عشان نقلل ال toxicity
قالك لو كنت هتديه للأطفال ساعتها الجرعة الواحدة بتكون 15mg/kg و هتديهاله كل ٨ ساعات المهم إن فى اليوم كله ميعديش 75mg/kg
أما فى حالة الكبار تكون من قرص لقرصين كل ٨ ساعات المهم إن أقصى جرعة ليه فى اليوم كله تكون 4gm و حاليا ال FDA ناوية تخليها 3gm و تخلى القرص فيه 325mg بدل 500mg عشان تقلل ال toxicity
طيب لو خدت جرعة كبيرة مرة واحدة أو حتى كنت بتاخده بجرعات صغيرة بس على فترات طويلة تفتكر إيه اللى ممكن يحصل 🤔 ؟!
أكيد هيحصل نفس الكلام لحد ما المنقذ بتاعنا اللى هو ال glutathione يخلص و بالتالى هتتراكم مادة ال NAPQI فى الكبد وبما إنها مادة سامة فهتبوظه و يحصل liver necrosis
لو كنت واخد جرعة كبيرة مرة واحدة هنا بنقول عليها acute liver toxicity
و لو كنت ماشى عليه طول حياتك هنا بنقول عليها chronic liver toxicity
ده غير إن المادة دى كمان ممكن تروح للكلى و تبوظها هى كمان
طبعا الكلام ده بيحصل فى حالة ال overdose فى حالة الأطفال أكبر من 150mg/kg أو لو كانت فى حالة الكبار فى حدود 7.5 ل 10gm يوميا
طيب ايه الحل بقى ساعتها 🤔 ؟!
لو كانت الحالة acute يعنى كان أخد جرعة كبيرة جدا مرة واحدة و لسه فى أول ٤ ساعات بتديله activated charcoal عشان يلحق الباراسيتامول المتبقى فى الجهاز الهضمى قبل ما يمتص و يروح للدم إنما لو عدت الحالة ١٠ ساعات يعنى خلاص وصل للدم ساعتها بتديله N-acetylcysteine و ده بنقول عليه glutathione precursor يعنى بيزود تصنيع ال glutathione
أما لو الحالة كانت chronic يعنى بياخد جرعة صغيرة بس عايش عليه طول فترة حياته ساعتها بنخليه يمشى على methionine و ده بردو بنقول عليه glutathione precursor يعنى بيصنع glutathione بس على وقت طويل شوية عشان كده بنستخدمه فى الحالات ال chronic و كان فيه دوا فى الصيدلية إسمه hepamol فيه parcetamol + methionine بس بينى و بينك حاليا مبقاش ينزل
أمثلة على أدوية فيها باراسيتامول :-
- أقراص زى Panadol/adol/abimol/paramol/paracetamol/cetal/stopadol كلهم تركيز الباراسيتامول فيهم 500mg و فيه novaldol الوحيد اللى تركيز الباراسيتامول فيه 1000mg يعنى القرص منه يعادل قرصين من اللى قبله
- شرب زى cetal/paramol/fevano/pyral/tempra
- نقط زى cetal
- لبوس زى cetal
- فيال زى perfalgan/injectamol
🎤 طبعا الباراسيتامول من أأمن المسكنات و ينفع إستخدامه للحوامل و المرضعات و مرضى الضغط العالى و مرضى القرحة (خفيف على المعدة) و حاليا داخل فى البروتوكول العلاجى كمسكن و خافض حرارة لحالات الكورونا 😊 ✋
الخلاصة 😉👇
إرسال تعليق