نزيف الأنف أو ما يعرف بالرعاف (epistaxis) 👃
و ده بيحصل بسبب أسباب كتير منها :
- لو حد حصله إصابة فى مناخيره
- اللعب كتير فى المناخير خاصة عند الأطفال
- لو حد عنده ضعف فى الشعيرات الدموية (capillary fragility) مع أقل خبطة أو لعب فى المناخير تلاقى حصل نزيف
- لو حد عنده نقص فى فيتامين c اللى بيقوى الشعيرات الدموية أو فيتامين k اللى بيمنع النزيف و يساعد على تجلط الدم
- لو مريض ماشى على أدوية سيولة زى ال plavix , marevan , aspirin و خدها ب overdose
- لو حد عنده ضعط عالى بيحصل إن من كتر الضغط على الأوعية الدموية الصغيرة فى المناخير بتنفجر و يحصل نزيف
- لو حد عنده برد و عنده عطس و سيلان فى مناخيره و تلاقيه لما بيجى ينف فى المنديل بينف بقوة ده بردو ممكن يسبب نزيف
- الحر الشديد ، البرودة الشديدة ، الهوى الجاف
طيب هنحل الموضوع ده ازاى بقى 🤔 ؟!
١) لو حصلك الموضوع ده و أنت فى البيت هتروح علطول دايس على مناخيرك على الجزء الغضروفى مش العضمى و أنت مميل راسك لأودام لتحت شوية و تفضل دايس عليها من خمس لعشر دقايق لحد ما النزيف يقف و لو موقفش زود عشر دقايق كمان لحد ما يقف أو ممكن بردو تجيب قطنة و تحطها فى مية ساقعة و تدوس بيها على مناخيرك أو تجيب كيس تلج و تحطه على مناخيرك و احنا عارفين إن المية الساقعة دى هتعمل إنقباض فى الأوعية الدموية فتوقف النزيف
تحذير مهم جدا 🙌
اوعى تسمع كلام اللى يقولك رجع دماغك لورا و النزيف هيقف علطول الموضوع ده غلط جدا علشان أنت لما ترجع راسك لورا كده الدم مش هيبقى اودامه غير طريقين :
• يإما هينزل على مجرى الجهاز التنفسى و يعملك إختناق و ضيق فى التنفس و كمان هيحصل فيه تهيج و ساعتها هيجيلك كحة
• يإما هينزل على مجرى الجهاز الهضمى و طبعا احنا عارفين إن الدم طعمه مش كويس خالص بالتالى هيعملك غثيان و ترجيع
٢) ممكن تديله nasal decongestant زى ال oxymetazoline اللى فى oxymet , afrin بس بلاش تديها لمرضى الضغط العالى عشان أى زيادة فى الجرعة بيحصل systemic absorption بالتالى الضغط يعلى أكتر و أكتر و تلاقى نفسك مقابل إنك بتحل حاجة تعمل مشاكل تانية
* الجرعة نقطتين أو بختين مرتين يوميا لمدة تلت أيام فقط علشان لو زودت عن كده هتلاقى حصلك rebound congestion و النزيف رجع تانى
٣) ممكن كمان نديله nasal saline فى حالة لو الجفاف أو الجو الساقعة هما السبب عشان يعمل moisturizing effect و كمان يعمل nasal decongestion و دول زى ال salinex , lyse , otrivin baby saline , physiomer , sinomarin
* الجرعة نقطتين أو بختين مرتين يوميا
٤) ممكن تديله حاجة توقف النزيف (haemostatic)
زى ال tranexamic acid اللى فى kapron
أو etamsylate اللى فى haemostop , dicynone
و دول فيه منهم أقراص و حقن
* الجرعة لو أقراص هتكون تلت مرات يوميا
٥) ممكن بردو تديله حاجة لتقوية الشعيرات الدموية زى ال diosmin , hesperidin , rutin , vitamin c و دول بيكون موجودين فى أدوية زى daflon , dafrex , diosed c , rutin c
* الجرعة هتكون مرتين يوميا
٦) ممكن تخليه بردو يجيب قطنة و يكسر عليها أمبول أدرينالين و يخليه يحطها فى مناخيره و دى هتعمله إنقباض فى الأوعية الدموية بالتالى يوقف النزيف بس طبعا مننساش إنه لو كان مريض ضغط عالى ممنوع ياخدها عشان لو حصل و خدها الضغط هيعلى أكتر و أكتر و ممكن تسببله مشاكل تانية احنا فى غنى عنها و الأفضل إنك تخليه يروح مستشفى هى اللى تعمله الموضوع ده أأمنله
٧) لو كان النزيف ده بسبب نقص فى فيتامين k فهنديله حقنة عضل فيها فيتامين k زى ال amri-k , konakion بس مشكلتهم إن تأثيرهم بطئ بيظهر بعد من أربع لست ساعات
٨) طبعا لازم نديله شوية نصايح زى إنه ياكل و يشرب حاجات فيها فيتامين c زى الليمون و البرتقال و بلاش اللعب فى مناخيره كتير وبلاش يخاف لما يحصل الموضوع ده و يهدى خالص
إرسال تعليق